Weeraryahanka Arsenal Gabriel Martinelli ayaa u saxiixay kooxdiisa heshiis cusub oo ku eg ilaa 2027.

21-sano jirkaan ayaa heshiiskiisa hore wuxuu ku ekaa dhamaadka xilli ciyaareedka soo socda, laakiin isagoo dhiirigelin weyn u ah kooxda Mikel Arteta wuxuu ogolaaday qandaraas cusub oo afar sano iyo bar ah oo uu ku kordhin karo sanad dheeri ah. .

Martinelli ayaa Arsenal u dhaliyay 7 gool 27 kulan oo uu ciyaaray xilli ciyaareedkan.

Ciyaaryahanka heerka caalami ee dalka Brazil, oo dalkiisa uga qeyb galay Koobkii Adduunka ee lagu qabtay Qatar, ayaa dhaliyay 25 gool 111 kulan oo uu saftay tartamada oo dhan tan iyo markii uu kaga soo biiray kooxda reer Brazil ee Ituano bishii Luulyo 2019.

Heshiiska cusub ee Martinelli, agaasimaha ciyaaraha ee Gunners Edu ayaa yiri: “Waa wax aad u wanaagsan in Gabi uu qandaraas cusub nagala saxiixday, aasaaska kooxdeena waxay ku sii socotaa in lagu dhiso tayada dhalinyarada, marka aad ayey u fiican tahay in Gabi uu saxiixay qandaraas cusub.

 

“Gabi wali waa 21-jir, waana ciyaaryahan leh karti iyo shaqsiyad weyn, waa qeyb muhiim ah oo ka mid ah mustaqbalkeena, waana ku faraxsanahay inaan ku heshiinay heshiis cusub”.

 

Maareeye Arteta ayaa intaa ku daray: “Waan ku faraxsanahay in Gabi uu saxiixay qandaraas cusub oo waqti dheer ah, taageereyaasheenu waxay arkaan tayadiisa iyo tamartiisa mar kasta oo uu xirto shaadhka, maalin walbana waa isku mid oo uu ku jiro tababarka, shaqo adag iyo qiyam wanaagsan. .

 

“Gabi wali aad ayuu u da’yar yahay, markaa waan ognahay inay jiraan wax badan oo isaga ka iman doona, waana wax aad u wanaagsan inaan safarkan wada galno, hadda aad ayaan ugu faraxsanahay inaan sii wadno horumarinta xirfadiisa weyn, waxaana rajeyneynaa inaan aragno qaab ciyaareedkiisa. Arsenal sannadaha soo socda.”